منتدي التوب عزة مبارك

منتدي التوب عزة مبارك منتدي مختص بكل ما يهم المرأه إكسسوار - موضة - مكياج - تخسيس ونحافة - مشاكل زوجية
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 فتاتى العذراء ماذا تفعلى حين تشعرى برغبتك فالجنس

اذهب الى الأسفل 
كاتب الموضوعرسالة
Admin
Admin
avatar

المساهمات : 314
تاريخ التسجيل : 03/10/2014

مُساهمةموضوع: فتاتى العذراء ماذا تفعلى حين تشعرى برغبتك فالجنس    الخميس أكتوبر 16, 2014 9:10 am

اولا بدايه احاسيس الجنس عند الفتيات منذ الطفوله:_

لقد خلقنا الله وفطرنا بعده غرائز طبيعيه

(كالجوع _العطش _ الجنس ) وده اللى درسناه فى المدارس لو نفتكر كده مع بعض

بس الجوع والعطش بيبتدى منذ الولاده لكن الجنس بينمو مع نمو الانسان

لو نفتكر برضه واحنا صغيرين امهاتنا كانوا دايما يحذرونا من ملامسه المنطقه الحميمه

لا نلمسها احنا ولا حد يلمسها لنا وطبعا بتفرق فى اسلوب التربيه بين

شخص لاخر لكن ايه الصح

الصح اننا منذ الطفوله احاسيس الجنس بتنمو بداخلنا لكن دون الشعور بها

الا بعامل مساعد يعنى ايه الكلام ده

يعنى الفطره كده كده موجوده بس واحنا صغيرين منفهمهاش منعرفش ايه هى

لكن مثلا لو واحده شافت منظر قبله او حضن فى فيلم فى التليفزيون

ثانيا فتره البلوغ والمراهقه :_


وهى اصعب فتره بتمر بيها الفتاه فى حياتها فهى فتره كل تغيرات جسديه ونفسيه

فالفتاه تنتقل من الطفوله للانوثه فتتغير معالم جسدها وتأتى الدوره الشهريه

اللى كتير مننا مكانش يعرف ايه لازمتها وبتجى لنا ليه الا بعد الزواج

الفتره دى بتكون الفتاه مذبذبه جدا فى احاسيسها ومشاعرها فتبدأ تنظر لنفسها

انها اصبحت انثى فتستمع باجزاء جسدها وتلاقيها دايما بتبص لجسمها فى المرايه

وتلبس اللبس اللى بيظهر جسدها وتبص لنفسها فى المرايه وتشوف جمالها

وجمال جسدها وبالتالى تنتعش مشاعر الفتاه اذا رأت نظره اعجاب من اى شاب

وجسمها يرتعش اذا سمعت كلمه غزل فى الشارع من اى راجل

فطبعا فتره المراهقه دى هى اخطر فتره فى عمر الفتاه واذا لم تعى كيف تتعايش

ثالثا الفتاه بعد عمر العشرين وهى لازالت انسه :_


اغرب حاجه فى اللى الكلام اللى هقوله ده انى الفتاه فى الفتره دى بتكون

فى حطر اكتر من فتره المراهقه

طب ازاى فى الفتره دى بتبقى الفتاه بدأت تشوف اللى تزوجت فى اقاربها

وصديقاتها واكتمل الوعى الجنسى لديها فبدأت رغباتها تظهر عليها

وتتمنى ان تصبح زوجه وتتمنى ان تمارس الحياه مع الجنس الاخر وتعرف ما هى لذه الجنس؟!!!

هذه هى نقاط المشكله ماذا تفعل الفتاه حين تشعر بأحاسيس



الرغبه فى الجنس ؟!!

أنا طبعا بكلم بنات العصر مش بنات زمان لان انهارده خلاص مبقاش فى واحده

مش عارفه حاجه وبنشوف برضه فى قسم المحتاره البنات اللى

بيشتكو انهم اصبحوا مدمنين للافلام الاباحيه والعاده والسريه وده واقع احنا عايشينه

كون انى فى ناس بتتهرب منه او بيقولوا لا مبيحصلش كده

لا بيحصل وبيحصل اكتر من كده وكل ده بسبب ايه بسبب (التخلف) والتخلف النابع

من العقل لآن الشهوه بتيجى من اشاره من العقل قبل الجسد

فاذا ترجم العقل ان اللذه هتكون فى العاده السريه هتصبح الفتاه اسيره ليها

طب ايه الحل ؟!!

أولا:_ كل فتاه بينها وبين نفسها متخجلش من احاسيسها انتى زيك زى غيرك

وشعورك طبيعى واجهيه متتجاهليهوش طب هتواجهيه ازاى



دلوقتى انتى بنوته عذراء ولسه متجوزتيش فأكتر لذه ممكن تواجهك لما تشوفى حواليكى

مثيرات جنسيه زى مشاهده مناظر ساخنه فى الافلام العربيه

بصى بقى مفيش حاجه حرمها الله الا اذا كانت فى صالحنا

_ابتعدى عن مشاهده اى مثيرات للاحاسيس الجنسيه سواء (افلام فيها ايحاءات جنسيه فقط_ افلام فيها علاقات كامله)

اللى هى افلام البورنو من الاخر يعنى اوعى تدى فرصه لعقلك انه يشجعك انى الحاجه

دى فيها متعه نهائى دى بدايه للقضاء على حياتك الجنسيه ده غير حرمانيتها طبعا

_ ثانى حاجه حافظى على ممارسه الرياضه سواء وانتى فى البيت او لو فى النادى اى مكان

المهم انك تلعبى رياضه بتنشط الجسم والعقل وبتعمل على هدوء الاعصاب

والابتعاد عن التوتر

_ثالت حاجه مفيش بنت معندهاش هوايه مارسى هوايتك بأى شكل من الاشكال

حتى لو هوايتك الرقص ارقصى مش مشكله المهم انك تخرجى طاقتك


ويا سلام لو بترسمى او بتكتبى قصص كل الحاجات دى بتنشط الذهن وبتخليكى تفكرى

فى اى حاجه غير فى الاحاسيس اللى لسه وقتها مجاش

_ رابع حاجه الغذا السليم (العقل السليم فى الجسم السليم ) لازم كل فتاه تحافظ على

طعامها الصحى اللى بيظبط جميع هرمونات الجسم وبيحافظ على رشاقتها

وبينشط عقلها ودايما اللى تغذيته سليمه بتلاقى دماغه كويسه وبيفكر حلو

_ خامس حاجه والمفروض كانت اول حاجه اتكلم فيها هى العباده

الصلاه _ قراءه القرأن (فالصلاه تنهى عن الفحشاء والمنكر)

مشاهده البرامج الدينيه الهادفه اللى بتحكى عن مشاكل الشباب وحلها بطريقه 

دينيه صحيحه

أخر نقطه هتكلم فيها هى انى كل اللى قولته ده حل للابتعاد


عن اى غلط ممكن توقعى فيه لكن اهم حاجه لو حصلك فى اى وقت

دون اراده منك انك احسستى برغبه فى الجنس الاخر قبل ما تلجأى للمحرمات

فكرى فى انى الجنس احساس مشترك رجل _ وست عمره ما هتكون

ما هيكون ليه لذه منفرده حتى لو عقلك الباطن خيلك ان مثلا مشاهده فيلم قبيح

او ممارسه عاده سريه ممكن توصلك لمتعه كامله لآ خالص

انى هتوصلى لشهوه حيوانيه بدون احساس بدون مشاعر هتفقدى كل احاسيس

انوثتك بعد الزواج مش هتشعرى بزوجك لآنك تعودتى ع المتعه المنفرده

مهما تأخر ميعاد زواجك تذكرى انى هيجى اليوم اللى هتعيشى كل اللى نفسك فيه

فى الحلال مع الجنس الاخر متعه مشتركه بين اثنين لها احاسيس

انسانيه وليست مجرد شهوه حيوانيه وعندما ينعم الله عليكى بالزواج وتتذوقى اللذه

الحقيقه هاتعلمى حكمه الله فى خلق الجنس بين طرفين


ورساله اخيره لكل ام حتى تصلى بفتاتك لبر الامان ازرعى فيها الوازع الدينى منذ طفولتها

نمى هوايتها وكل ما شرحته فى الموضوع يجب عليكى ان تزرعيه فى طفلتك

منذ طفولتها حتى تريها امامك وهى ترتدى الفستان الابيض

وعندما تسألك عن اى شئ مهما ان كانت اجابته صعبه جاوبيها عليه مينفعش تبقى

جهله فى المواضيع دى بالذات

ربنا يحفظ كل بنات المسلمين يارب ويكفيهم شر الفتن

وانا فى انتظار اى استفسار سواء ع العام او ع الخاص

والموضوع والله العظيم مجهود شخصى فأرجو تقدير المجهود

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://topazzamoubarak.yoo7.com
 
فتاتى العذراء ماذا تفعلى حين تشعرى برغبتك فالجنس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي التوب عزة مبارك :: الفئة الأولى :: اسرار البنات-
انتقل الى: